Sa larg te duket
suksesi online? > 

Regjistrimi në GETVIRAL është falas për bizneset dhe këngëtarët. Influencerat e kanë falas nëse në të paktën njërën nga rrjetet e tyre sociale kanë 1000+ ndjekës. Nëse nuk i kanë, paguajnë 1.000 ALL në muaj derisa ta arrijnë atë shifër; pagesa hiqet automatikisht sapo të kenë 1000+ ndjekës. Kjo pagesë është simbolike në krahasim me sa mund të fitojnë në GETVIRAL.

Në GETVIRAL as nuk paguan dhe as nuk paguhesh pa rezultat. Kjo është motoja jonë për t'i dhënë fund njëherë e mirë mënyrës se si ka funksionuar deri tani: biznesi paguan reklama në rrjete sociale dhe te influencerat pa e ditur ende nëse do të ketë shitje apo jo. Në GETVIRAL kjo nuk ndodh.

Biznesi paguan komision për çdo shitje të pranuar nga klienti. Influenceri duhet të dedikohet të bëjë video të bukura dhe bindëse të produkteve, që të shesë sa më shumë dhe të fitojë sa më shumë komisione. Në krahun tjetër, këngëtari paguan vetëm nëse videot me këngën e tij marrin mjaftueshëm shikime, sipas rregullave që i vendos vetë ai.

Influenceri nuk ka limit fitimi në GETVIRAL: për sa kohë vazhdon të shesë produkte të bizneseve të ndryshme, përfiton komisione nga çdo shitje. Gjithashtu mund të fitojë edhe nga shikimet që marrin videot e tij kur merr pjesë në fushata promovimi të bizneseve dhe në fushata të këngëtarëve. Pagesën e merr çdo muaj, nga data 1 deri më 5, për fitimet e aprovuara të muajit paraardhës, kur kalojnë 5.000 ALL (50 €); ndryshe mbarten muajin tjetër.

Dërgesën e produktit e bën vetë biznesi, i cili më pas është i detyruar të vendosë në platformë kodin e gjurmimit të porosisë dhe emrin e postës me të cilën e ka dërguar. Klienti paguan CASH në dorëzim. Kështu edhe influenceri mund ta shikojë dhe ta kontrollojë nëse shitja që ka bërë ai i është dorëzuar klientit apo jo, dhe t'i shohë komisionet e fituara, të përditësuara me çdo ndryshim statusi. Biznesi konfirmon Pranuar / Refuzuar brenda 72 orëve nga tracking-u; pa përditësim, porosia numërohet e pranuar. Në GETVIRAL çdo gjë është transparente.

GETVIRAL nuk është vetëm për influencerat me famë. Mund ta nisësh edhe me 0 ndjekës dhe t'u dedikohesh shitjeve të produkteve nga biznese të ndryshme në GETVIRAL. I vetmi ndryshim është se do të paguash 1.000 ALL në muaj derisa të arrish 1000+ ndjekës në të paktën njërën nga rrjetet e tua sociale, TikTok ose Instagram. Platforma e bën automatikisht numërimin e ndjekësve dhe pagesa e abonimit hiqet në momentin që arrihet ky numër.

Këngëtari e vendos vetë buxhetin e fushatës për këngën e tij; minimumi është 30.000 ALL (300 €). Ndarja bëhet automatikisht nga platforma për influencerat që arrijnë shikimet sipas rregullave që ka vendosur vetë këngëtari. Për shembull: 2.000 shikime = 300 ALL, 10.000 shikime = 800 ALL, 100.000 shikime = 4.000 ALL.

Influencerat bëjnë video me soundin dhe rregullat që ka vendosur këngëtari, e dërgojnë linkun e videos në platformë; shikimet lexohen automatikisht nga llogaria e lidhur e TikTok-ut dhe përditësohen çdo ditë (dhe sa herë hap fushatën), dhe buxheti shpërndahet sapo arrihet pragu i shikimeve. Këngëtari asnjëherë nuk paguan më shumë se buxheti maksimal që ka vendosur. Postimet me shikime të pazakonta ndalen për shqyrtim nga stafi; shikimet e blera nuk shpërblehen.

Buxheti parapaguhet dhe shpenzohet vetëm për shikime të verifikuara. Pjesa që nuk shpenzohet nuk kthehet në para: të mbetet si kredit në GETVIRAL dhe zbritet automatikisht nga buxheti i fushatës sate të radhës. Krediti vlen 6 muaj, mbahet veç për çdo monedhë dhe përdoret vetëm për fushata të reja.

Që në momentin që hedhin produkte të reja në GETVIRAL, biznesit i kërkohet të vendosë sa komision u jep influencerave nëse ia shesin produktin. Minimumi është 10% e vlerës së produktit, por mund ta vendosë edhe më të lartë për të tërhequr sa më shumë influencera që të bëjnë video për produktet e tij. Komisionet nga shitjet e bëra biznesi ia paguan platformës GETVIRAL, dhe platforma ia shpërndan secilit influencer në llogarinë e tij, te seksioni i balancës.

Biznes: 3 muajt e parë falas, pastaj 50 ALL (0.5 €) për çdo porosi të pranuar. Pa abonim, pa plane.

Influencer: merr 75% të komisionit (80% me 30+ porosi të pranuara në muaj). Pagesa bëhet nga data 1 deri më 5 të muajit, kur fitimet e aprovuara kalojnë 5.000 ALL (50 €); ndryshe mbarten muajin tjetër.

Këngëtar: buxhet i parapaguar (nga 30.000 ALL), pa tarifë shtesë. Pjesa e pashpenzuar nuk kthehet në para: të mbetet kredit në GETVIRAL, zbritet nga fushata jote e radhës dhe vlen 6 muaj.